សៀមរាប៖ នាយករដ្ឋមន្ត្រី សម្ដេចធិបតី ហ៊ុន ម៉ាណែត ថាសម្ដេចនឹងចុះពិនិត្យតាមមូលដ្ឋានដោយផ្ទាល់ឥតព្រៀងទុកចាប់ពីពេលនេះតទៅដើម្បីពិនិត្យតាមដានការអនុវត្តគោលនយោបាយដែលបានដាក់ចេញ។
ថ្លែងក្នុងពេលបញ្ចុះបឋមសិលាសាងសង់សារមន្ទីរ សម្ដេចព្រះព្រហ្មរតនមុន្នី ពិន សែម ក្នុងខេត្តសៀមរាប ព្រឹកថ្ងៃទី១៨ ខែកក្កដា ឆ្នាំ២០២៤នេះ សម្ដេចធិបតី ហ៊ុន ម៉ាណែត ថាចាប់ពីឆ្នាំទី២នៃរដ្ឋាភិបាលអាណត្តិទី៧តទៅ សម្ដេចនឹងចំណាយពេលតិចលើការងាររដ្ឋបាលវិញបន្ទាប់ពីបានពង្រឹង១ឆ្នាំមកហើយ ដូច្នេះសម្ដេចនឹងចំណាយពេលច្រើនលើមូលដ្ឋានវិញជាជាងមើលតែរបាយការណ៍ដែលបានរាយការណ៍។
សម្ដេចបានផ្ញើសារទៅរដ្ឋមន្ត្រីដែលទទួលបន្ទុកក្នុងវិស័យអទិភាពត្រូវត្រៀមខ្លួនផងដែរ។
សម្ដេចថា៖ «មិនមែនថាចង់ចាប់កំហុសអីទេ! តែខ្ញុំចង់សួរ ឃើញផ្ទាល់»៕
ព័ត៌មានជាច្រើនទៀតសម្រាប់អ្នក
